Anija “Lissus” dhe një ekip efektivësh të Forcës Detare të Shqipërisë do të jetë pjesë e operacioneve të përqendruara (FOCOPS) të NATO-s në detin Mesdhe.
Në ceremoninë e përcjelljes së ekuipazhit, zëvendësshefja e Shtabit të Përgjithshëm të Forcave të Armatosura, gjeneralmajor Manushaqe Shehu u shpreh se me këtë mision, “Forca Detare rikthehet të kontribuojë si faktor i rritjes së sigurisë detare, pas një angazhimi të suksesshëm 3-vjeçar nga viti 2016-2019, në aktivitetin e NATO-s Sea Guardian në detin Egje, ku bëri të mundur dhënien e ndihmës për mbi 1800 persona, në rrezik për jetën”.
“Ky është një tregues i qartë për rolin e Shqipërisë si një faktor stabiliteti dhe sigurie në rajon dhe më gjerë. Ndryshe nga misioni i kryer në vitin 2016-2019 në detin Egje, që kishte karakter humanitar, kjo është hera e parë që Forca jonë Detare angazhohet në një operacion të mirëfilltë të rritjes së sigurisë detare”, u shpreh gjeneralmajor Shehu.
Më tej në fjalën e saj, Shehu u shpreh e bindur se efektivi i anijes do të tregojë profesionalizëm, përkushtim dhe korrektësi gjatë kryerjes së detyrave.
Në ceremoninë e përcjelljes së trupave morën pjesë edhe komandantë të forcave të ndryshme. /arbresh.info/
Të shtëna me armë në Prishtinë, arrestohet një person
Ngritët aktakuzë kundër një serbi për krime lufte në Kosovë
Berisha ka dy kërkesa para mbledhjes së përbashkët të kuvend...
Beogradi ia refuzon hyrjen në Preshevë ministrit Hajrullah Ç...
Policia zhvilloi 460 ligjërata në shkollat e Prishtinës gjat...
Sondazhi i Arbresh.info në Facebook, LVV mbi 50%